Mes: Xullo 2023

Con efectos do 17 de xullo increméntase o límite exento de tributar e tamén de cotizar polos gastos de kilometraxe e a indemnización polo uso de vehículo particular pasando de 0,19 a 0,26 euros.

Lembrámoslles unha vez mais que os gastos de locomoción e as dietas de viaxe son retribucións de carácter irregular que responden ós gastos que xenera no traballador a orde empresarial de desprazamento provisional ou temporal a un lugar distinto a aquel onde habitualmente presta os seus servizos ou onde radique o centro de traballo, para efectuar tarefas ou realizar funcións que lle son propias, e que estarán exentas de tributación e cotización sempre que se xustifique a realidade do desprazamento, o lugar e o motivo e non se sobrepasen estes importes, estando suxeitos a gravamen as cantidades que excedan destes límites.

Estas axudas da Xunta van dirixidas ás empresas que contraten persoas xovenes desempregadas e inscritas no Sistema nacional de garantía xuvenil mediante contratacións indefinidas, contratos de formación en alternancia ou contratos para o obtención da práctica profesional, tanto para novas contratacións como as feitas ata os seis meses anteriores á publicación da orde. A duración deberá ser como mínimo de 9 meses e a xornada completa. A axuda consiste nun incentivo de 9.000 euros por cada persoa contratada e a empresa, calquera que sexa a modalidade de contratación, deberá contar cun programa de formación en competencias brandas dunha duración mínima de 50 horas por cada contratación.
Estas axudas estarán vixentes ata o 31 de xullo de 2023.

Con efectos do 30 de xuño entra en vigor a normativa cos novos permisos para a conciliación da vida familiar e profesional dos proxenitores así como dos coidadores entre os que cabe destacar:
1.- Permiso retribuido de 5 días (fronte aos 2 da normativa vixente) por accidente ou enfermidade grave, hospitalización ou intervención cirúrxica sen hospitalización que requira descanso domiciliario dos familiares ata o 2ª grado de consanguinidade, incluido o familiar consanguineo da parella de feito, así como calquera outra persoa convivente co traballador.
2.- Permiso retribuido de 4 días para ausentarse do traballo por causa de forza maior cando sexa necesario por causas familiares urxentes e imprevisibles podendo disfrutarse por horas.
3.- Novo permiso parental para coidado de fillo ou menor acollido por tempo superior a un ano, que poderá disfrutarse ata que o menor cumpra 8 anos. Este permiso non da dereito a retribución e terá unha duración máxima de 8 semanas, continuas ou discontinuas, a tempo completo ou en réxime de xornada a tempo parcial, e que o traballador deberá solicitar cunha antelación de dez días.
4.- Ampliación do dereito de reducción de xornada para quenes precisen encargarse do coidado directo dun familiar ata o 2º grao de consanguinidade do cónxuxe ou parella de feito, incluido o familiar consanguineo da parella de feito, así como para o coidado de fillos ou persoas dependentes con discapacidade menor de 26 anos que padezcan cancro ou outra enfermidade grave, cando o grao de discapacidade supere o 65% e esta condición se acredite antes de cumprir os 23 anos.
5.- Recoñecemento do dereito do permiso de 15 días naturais por matrimonio para o rexistro de parellas de feito.