Categoría: Informacion

O Goberno aprobou un novo Plan Anticrise que entrou en vigor o pasado domingo. Recollemos a continuación, de forma clara e estruturada, as medidas máis relevantes. Algúns destes puntos serán ampliados cando se publiquen instrucións detalladas.

---

1. Reducións de impostos en enerxía e combustibles

• Baixa do IVE do 21% ao 10% en:
  • Carburantes
  • Electricidade
  • Gas natural
  • Pellets e leña
  • Para fogares e empresas
• Redución do Imposto Especial sobre a Electricidade (IEE) ao 0,5%.
• Suspensión do Imposto sobre o Valor da Produción de Enerxía Eléctrica (IVPEE).
• Rebaixa no Imposto Especial de Hidrocarburos.

---

2. Axudas directas ao sector primario e transporte

• Bonificación de 20 céntimos por litro de carburante destinada a:
  • Transportistas
  • Agricultores
  • Gandeiros
  • Pescadores
    (A mecánica de aplicación detallarase nunha nota posterior.)

---

3. Medidas sobre subministro de gas e combustibles domésticos

• Prezo máximo conxelado:
  • Butano: 16,35 €
  • Propano: 12 €

---

4. Protección dos consumidores vulnerables

• Bono social eléctrico prorrogado ata o 31-12-2026:
  • 42,5% de desconto para fogares vulnerables.
  • 57,5% para vulnerables severos.

---

5. Empresas con consumo eléctrico intenso

• Bonificación do 80% na factura eléctrica para empresas con consumo elevado ligado á súa actividade.
• Maior flexibilidade na adaptación dos contratos de subministro.

---

6. Incentivos fiscais para transición enerxética no fogar

• Deducións no IRPF para:
  • Instalación de placas solares
  • Puntos de recarga de vehículos eléctricos
  • Bombas de calor e sistemas de climatización eficientes

---

7. Medidas laborais

• Prohibición de despedimentos obxectivos motivados pola crise enerxética.
• Anuncio de futuras medidas adicionais de protección do emprego.

---

8. Control de prezos e marxes empresariais

• Limítanse os marxes empresariais co fin de evitar subas inxustificadas de prezos.
• A CNMC reforza a súa capacidade de supervisión e sanción.

---

9. Vivenda e alugueres

• Conxelación de alugueres durante dous anos para contratos que venzan en 2026.
• Actualización anual limitada ao IPC cun máximo do 2%.

---

10. Calendario lexislativo

• As nove primeiras medidas inclúense no Decreto que está previsto convalidar o xoves 26 de marzo.
• As medidas relativas a vivenda deberán convalidarse antes do 20 de abril.

---

Se tes dúbidas sobre como afectan estas medidas á túa situación persoal ou empresarial, o noso equipo está á túa disposición.

Lembrámoslles que todas aquelas persoas que, ao longo do ano 2025, posuísen bens ou dereitos situados no estranxeiro deben revisar se están obrigadas a presentar o Modelo 720 ante a Axencia Tributaria.

🗂 Que bens se teñen en conta?

• Contas bancarias no estranxeiro
• Valores, fondos ou participacións
• Seguros de vida ou invalidez
• Bens inmobles fóra de España

💶 Límites que obrigan a presentar o modelo

Será obrigatorio presentar a declaración cando o valor total destes bens supere os 50.000 €.

Tamén deberá volver presentarse cando xa existise unha declaración en anos anteriores e se produza unha variación superior a 20.000 € respecto ao valor previamente declarado.

📅 Prazo de presentación

O prazo finaliza o 31 de marzo.

Se ten dúbidas sobre se debe presentar esta declaración ou precisa axuda para elaborala, estamos á súa disposición.

Coa publicación no BOE do 19 de febreiro de 2026, entrou en vigor a actualización do Salario Mínimo Interprofesional (SMI) para o ano 2026, recollida no Real Decreto 126/2026, de 18 de febreiro. [boe.es]

🟩 Novas contías do SMI 2026

• 1.221 € brutos mensuais en 14 pagas, o que supón un total de
  17.094 € brutos anuais.
• Este incremento representa unha suba do 3,1 % respecto ao SMI de 2025.

🗓️ Aplicación retroactiva

A medida aplícase con efectos desde o 1 de xaneiro de 2026, polo que:

• Os salarios inferiores deberán ser actualizados nas nóminas de febreiro.
• Incluirase tamén a regularización correspondente ao mes de xaneiro.
  

📌 Impacto nas bases de cotización

Coa nova cifra do SMI:

• A base mínima de cotización en cómputo mensual queda fixada en 1.424,50 €.
  (equivalente ao SMI en 12 pagas segundo o BOE e publicacións técnicas)
  

📝 Que implica para empresas e traballadores?

• As empresas deberán axustar automaticamente os salarios que queden por debaixo das novas contías.
• A actualización afecta tamén aos contratos temporais e empregados/as de fogar, segundo os límites establecidos no Real Decreto.

🔍 Por que se incrementa?

O incremento do SMI responde ao obxectivo estatal de avanzar cara a que o salario mínimo alcance o 60% do salario medio, seguindo recomendacións europeas e criterios socioeconómicos establecidos no Estatuto dos Traballadores.

A Xunta de Galicia vén de publicar no DOGA as novas subvencións para a contratación indefinida inicial, así como para os incrementos de xornada en contratos indefinidos iniciais a tempo completo realizados entre o 1 de outubro de 2025 e o 30 de setembro de 2026.

Estas axudas buscan fomentar a contratación de persoas desempregadas pertencentes a colectivos con especiais dificultades de acceso ao mercado laboral.

---

1. Contías das axudas

As empresas poderán recibir unha subvención de:

🟢 6.000 €

Para a contratación de persoas desempregadas que sexan:

• Mozos/as menores de 30 anos
• Parados/as de longa duración
• Persoas de 52 anos ou máis
• Emigrantes retornados/as
• Persoas estranxeiras

🔵 10.000 €

Para contratacións de:

• Mulleres vítimas de violencia de xénero ou trata
• Mulleres con fillos/as menores de 3 anos (paradas de longa duración ou inactivas)
• Mulleres en ocupacións tradicionalmente masculinizadas
• Persoas con discapacidade
• Persoas en risco de exclusión social
• Persoas que rematasen certificados profesionais ou programas de emprego nos últimos 2 anos

---

2. Requisitos principais

Tipo de contrato

• Debe ser indefinido a xornada completa
• Permítese xornada parcial só para persoas con discapacidade ou en risco de exclusión social

Duración mínima obrigatoria

• A empresa debe manter a persoa contratada durante 36 meses
• En caso de baixa, poderá ser substituída por outra persoa con características equivalentes

---

3. Procedemento e prazos

• As axudas concédense por orde de presentación
• Tramítanse ata o esgotamento do orzamento
• Desde Asesoría Bieito xestionaremos as solicitudes unha vez recibida toda a documentación necesaria, aínda que non podemos garantir a existencia de fondos no momento da presentación

---

4. Información personalizada para a súa empresa

A persoa responsable laboral da súa empresa contactará con vostedes para revisar se:

• Algún traballador/a que xa teñen contratado cumpre os requisitos
• Pode resultar interesante solicitar a subvención por un incremento de xornada

Se están valorando novas contratacións dalgún dos colectivos incentivados, recomendamos que se poñan en contacto connosco canto antes para:

• Confirmar a posible subvención
• Calcular os custos
• Informarlles da tramitación e dos honorarios correspondentes

Para calquera dúbida ou para iniciar unha nova solicitude, poden contactar connosco polos medios habituais.

A Xunta acaba de publicar varias liñas de subvencións pensadas para apoiar o inicio, consolidación e continuidade da actividade autónoma en Galicia. Destacamos as principais:

1️⃣ Promoción do Emprego Autónomo
Para altas como autónomo/a dende o 01/10/2025.
💶 Axudas entre 2.000 € e 7.000 €, segundo o perfil da persoa solicitante (menores de 30 anos, maiores de 52, parados de longa duración, discapacidade, risco de exclusión, persoas estranxeiras, retornadas…).
Inclúe tamén apoio para o custo da cota autónoma durante 12 ou 24 meses.

2️⃣ Bono Autónomos
Para autónomos/as (tamén societarios/as) con:

• 42 meses de antigüidade,
• Facturación anual > 12.000 €,
• Rendemento neto < 50.000 €.
  💶 Subvenciona o 60 % dos investimentos, cun máximo de 7.000 €.

3️⃣ Bono Relevo
Para cambios de titularidade cando a persoa titular orixinal teña máis de 62 anos ou unha incapacidade.
💶 Subvención do 70 % ou 75 % dos gastos, cun máximo de 30.000 €.

4️⃣ Bono Nova Oportunidade
Para profesionais que xa estiveron dados de alta como autónomos e que se queiran dar de alta de novo a partir do 01/10/2025.
Inclúe axudas específicas para reemprender a actividade.

5️⃣ Autoemprego para Emigrantes Retornados
Persoas galegas que regresen e se dean de alta como autónomos/as.
💶 Axuda base de 6.000 €, ampliable segundo circunstancias persoais.

📞 Se está interesado/a, contacte connosco. Informarémolo/a das condicións, compatibilidades e importe que podería recibir no seu caso.

Informámoslle da publicación das subvencións para o ano 2026 destinadas a apoiar a primeira, segunda e terceira contratación indefinida inicial por parte de persoas autónomas.
Estas axudas teñen por obxectivo fomentar a creación de emprego estable e apoiar o crecemento das pequenas actividades profesionais.

🗓 Período subvencionable das contratacións
Poderán acollerse a estas axudas todas aquelas contratacións indefinidas realizadas entre:
➡️ 1 de outubro de 2025 e 30 de setembro de 2026
As contratacións poderán ser:

A xornada completa, ou
A tempo parcial, cun mínimo do 50 % da xornada.

✅ Requisitos principais da subvención
Para poder acceder á axuda, deberán cumprirse as seguintes condicións:
👤 Manter á persoa contratada

A persoa contratada deberá permanecer na empresa durante 36 meses.

👥 Manter a plantilla fixa existente

As persoas traballadoras fixas existentes no momento de realizar a nova contratación deberán manterse durante 12 meses.
Poderán ser substituídas en caso de baixa, sempre por unha persoa con características similares.

💶 Contías das axudas
As subvencións varían en función de se se trata da primeira, segunda ou terceira contratación, así como doutras circunstancias do/da traballador/a contratado/a.

Primeira contratación → entre 7.500 € e 14.400 €
Segunda ou terceira contratación → entre 9.000 € e 17.600 €

📞 Como procedemos desde Asesoría Bieito
O seu responsable laboral poñerase en contacto con vostede para:

Revisar se algunha das contratacións actuais cumpre os requisitos.
Informarlle das posibilidades reais de acceder á subvención.
Axudarlle a tomar a mellor decisión.

Se está pensando en contratar un novo traballador, tamén pode contactar connosco para valorar se pode beneficiarse desta axuda desde o inicio do proceso.

⚠️ Importante: tramitación por orde de chegada
As subvencións concédense ata esgotar o orzamento dispoñible, polo que recomendamos comunicar canto antes o seu interese.
A tramitación terá:

Un custo inicial ao presentar a solicitude.
Un custo final cando a subvención sexa concedida.

Informarémoslle destes importes no momento en que desexe encargarnos oficialmente a xestión da axuda.

O ano 2026 chega con cambios importantes no Imposto sobre Sociedades que afectan tanto a empresas como a microempresas. A continuación resumimos as principais novidades:

---

1. Redución do tipo xeral para sociedades

As sociedades que no exercicio 2024 tiveron unha facturación igual ou inferior a 10 millóns de euros aplicarán os seguintes tipos:

• Exercicio 2025 (que se declara en 2026): tipo xeral do 24%.
• Exercicio 2026: tipo xeral reducido ao 23%.

Esta medida busca aliviar a carga fiscal das empresas medianas e pequenas, favorecendo a súa competitividade.

---

2. Tipos reducidos para microempresas

Para as microempresas (facturación inferior a 1 millón de euros en 2024) establécense tipos diferenciados:

• Exercicio 2025:
  • 21% para os primeiros 50.000 € de beneficio.
  • 22% para o resto.
• Exercicio 2026:
  • 19% para os primeiros 50.000 €.
  • 21% para o resto.

Este cambio supón unha rebaixa significativa para as empresas máis pequenas, incentivando a súa consolidación.

---

3. Incremento da dedución por reserva de capitalización

Para o imposto do exercicio 2025 increméntase a dedución xeral pola reserva de capitalización ao 20%, podendo chegar ao 30% se se produce un incremento da plantilla de persoal. Esta medida pretende fomentar a reinversión dos beneficios e a creación de emprego.

---

4. Mantemento de incentivos para investimentos sostibles

Continúa vixente a liberdade de amortización para:

• Investimentos en eficiencia enerxética.
• Adquisición de vehículos enerxéticos.

Unha oportunidade para apostar pola sustentabilidade e reducir custos a medio prazo.

---

5. Outras deducións que se manteñen

• Doazóns a entidades sen ánimo de lucro acollidas á Lei 49/2002.
• Incremento de persoal determinado, que segue xerando dereito a dedución.

---

En resumo: estas medidas supoñen unha redución xeral dos tipos impositivos e incentivos para quen aposta pola reinversión, a creación de emprego e a sustentabilidade.

---

🎉 Feliz 2026!
ASESORÍA BIEITO

O ano 2026 chega con varios axustes importantes no IRPF que afectan tanto a familias como a traballadores, persoas en situación de desemprego e contribuíntes con aforro ou investimentos. A continuación detállanse as principais novidades:

---

1. Mantense o límite de 1.500 € do segundo pagador

A partir de 2026, continúa vixente o criterio polo que unha persoa con dous ou máis pagadores só estará obrigada a presentar a declaración de IRPF cando os ingresos do segundo e restantes pagadores superen os 1.500 € anuais.
Este límite permite que moitos traballadores eventuais, persoas con cambios laborais ou situacións de ERTE non teñan variacións nas súas obrigas fiscais.

---

2. Nova dedución en Galicia por libros e material escolar

As familias galegas contarán cunha nova dedución autonómica que lles permitirá desgravar ata o 15% dos gastos en libros de texto e material escolar do curso 2025/2026.
O beneficio fiscal terá un límite máximo de 105 € por fillo, e aplicarase sempre que o gasto estea debidamente xustificado mediante factura.
É unha medida pensada para apoiar os fogares con menores en idade escolar e aliviar os custos do inicio de curso.

---

3. Exención de IRPF para persoas con subsidio de desemprego

A partir de 2026, as persoas que cobren un subsidio por desemprego quedan definitivamente exentas de presentar a declaración da renda, independentemente doutras condicións.
Esta medida busca simplificar os trámites administrativos e evitar obrigas fiscais para quen recibe ingresos moi reducidos.

---

4. Prórroga das deducións por eficiencia enerxética e mobilidade eléctrica

Co obxectivo de continuar impulsando a transición enerxética, mantéñense en 2026 as deducións por:

• Investimentos en reformas de vivendas que melloren a eficiencia enerxética (redución de demanda térmica, mellora do consumo, instalación de sistemas máis eficientes, etc.).
• Adquisición de vehículos eléctricos, incluídos turismos e motocicletas.
• Instalación de puntos de recarga tanto en vivendas unifamiliares como en garaxes comunitarios.

Estas medidas prolongan un marco fiscal favorable para quen queira apostar pola eficiencia e a mobilidade sostible.

---

5. Mantense a redución do 30% para ingresos extraordinarios de artistas

Os profesionais das artes escénicas, musicais e outros ámbitos culturais seguen podendo aplicar a redución do 30% sobre rendementos extraordinarios xerados en períodos superiores a dous anos ou obtidos de maneira notoriamente irregular.
Trátase dun mecanismo que dá estabilidade fiscal a un sector con ingresos habitualmente irregulares.

---

6. Escala do aforro: tipo do 30% para grandes importes

Para rendementos do aforro que superen os 300.000 €, mantense o tipo máximo do 30%.
Isto afecta a ganancias patrimoniais elevadas, rendementos de investimentos ou transmisións de patrimonio que entren no tramo superior da escala.

---

Feliz 2026!

ASESORÍA BIEITO